Musiqiy ijrochilik malakalarini rivojlantirishda tinglovchilik madaniyatining imkoniyatlari

Yosh ijrochilarning kasbiy shakllanishida musiqiy tinglovchilik malakalarini egallash muhim ahamiyatga ega. Tinglash orqali ijro etiladigan vokal yoki cholg‘u asarlarning tovush yo‘nalmasi, ohang va tonal xususiyatlari, badiiy mazmunini to‘laqonli anglash imkoniyatlari kengayadi, asarning dramaturgiyasi, badiiy g‘oyasi, emotsional-estetik mazmuni xususiyatlaridan kelib chiqqan holda ijro etish va tinglovchiga emotsional-psixologik ta’sir ko‘rsatish darajasi yuksaladi. Monografiyada ushbu pedagogik-psixologik masalalar atroflicha tahlil qilingan. Monografiyadan maxsus musiqa ta’limining barcha bosqichlarida faoliyat ko‘rsatuvchi o‘qituvchilar, shuningdek, O‘zbekiston davlat konservatoriyasi talabalari qo‘shimcha adabiyot sifatida foydalanishlari imkoniyati mavjud.