OLIY MATEMATIKA MASALALAR TO‘PLAMI NAZORAT TOPSHIRIQLARI

Qo‘llanma oliy ta’lim muassasalari texnika va texnologiya bakalavr ta’lim yo‘nalishlari Davlat ta’lim standartlariga mos keladi va fanning o‘quv dasturlariga to‘la javob beradigan tarzda bayon qilingan. Ushbu o‘quv qo‘llanma bakalavr ta’lim yo‘nalishlarining 2-bosqich talabalari uchun mo‘ljallangan bo‘lib, fanning bir necha o‘zgaruvchi funksiyalarining differensial hisobi, bir necha o‘zgaruvchi funksiyalarining integral hisobi, oddiy differensial tenglamalar, qatorlar bo‘limlari bo‘yicha materiallarni o‘z ichiga oladi. Qo‘llanmaning har bir bo‘limi zarur nazariy tushunchalar, ta’riflar, teoremalar va formulalar bilan boshlangan, ularning mohiyati misol va masalalarning yechimlarida tushuntirilgan, shu bo‘limga oid amaliy mashg‘ulot darslarida va mustaqil uy ishlarida bajarishga mo‘ljallangan ko‘p sondagi mustahkamlash uchun mashqlar javoblari bilan berilgan.