Zamonaviy sotsiologik nazariyalar va maktablar

Ushbu darslik “Zamonaviy sotsiologik nazariyalar va maktablar” fani o'quv dasturiga muvofiq yaratilgan. U magistrantlarning sotsiologiyaning XX asr o’rtalaridan boshlab to XXI asr boshlarigacha bo'lgan zamonaviy bosqichi konsepsiyalari haqida tizimli bilimlarni egallashi, shuningdek, ulardan kasbiy faoliyatida foydalana olishi uchun zarur bo’lgan bilim va ko’nikmalarni shakllantirishda asos bo’lib xizmat qiladi. Darslikda har bir mavzuni mustahkamlash uchun savollar, test savollari, mustaqil ta’lim mavzulari hamda asosiy tushuncha va atamalarning qisqacha mazmuni berib o’tilgan.