O‘ZBEK DIALEKTOLOGIYASI

Ushbu darslik bakalavriatning “5120100-filologiya va tillarni o‘qitish (o‘zbek tili)” ta’lim yo‘nalishi o‘quv rejasi va “O‘zbek dialektologiyasi” fan dasturi asosida tayyorlandi hamda talabalarga o‘zbek tilining qarluq, o‘g‘uz va qipchoq lahjalaridagi fonetik, grammatik va leksik xususiyatlar to‘g‘risida bilim va malaka berish ko‘zda tutilgan. Darslikda ilmiy tadqiqot natijalari va hozirga qadar amalda bo‘lgan darslik va qo‘llanmalar an’analaridan foydalanilgan. Uning mundarijasidan dialektologiyaga oid umumiy-nazariy masalalar, amaliy mashg‘ulotlar uchun shevalardan yozib olingan matnlar, test namunalari va o‘quv amaliyoti mazmuni o‘rin olgan, har bir mavzu so‘ngida tayanch tushunchalarning izohi va uning rus va ingliz tilidagi tarjimalari berib borilgan. Darslikda dialektologiyaga oid xorijiy adabiyotlar, axborot manbalaridagi nazariy va amaliy bilimlarga ham e’tibor berilgan. Darslikdan magistrantlar va ilmiy xodimlar ham foydalanishlari mumkin