Pedagogik fikrlar taraqqiyoti

Mazkur o‘quv qo‘llanma Pedagogika ta’lim nazariyasi va pedagogik ta’limotlar tarixi mutaxasisligi magistrant talabalari uchun mo‘ljallangan bo‘lib, o‘quv rejasidagi Pedagogik fikrlar taraqqiyoti fani o‘quv dasturi asosida tayyorlangan. Ushbu o‘quv qo‘llanmada Pedagogik fikrlar taraqqiyoti fanining nazariy asoslari, pedagogik fikrlar taraqqiyotiilmiy bilimlar sohasi sifatida, pedagogik fikrlarning ilk manbalari, o‘rta asrlarda pedagogik fikrlar, sharq uyg‘onish davridagi qomusiy olimlarning asarlarida pedagogik fikrlar, XIV-XVII asrlarda markaziy osiyoda pedagogik fikrlar taraqqiyoti haqidagi ma’lumotlar o‘rin olgan. Biz olib borayotgan tadqiqot ishimiz Husayn Voiz Koshifiyning manaviy axloqiy qarashlari bo‘lganligi uchun XIV-XVII asrlarda markaziy osiyoda pedagogik fikrlar taraqqiyoti bosqichiga alohida e’tibor qaratilgan. Mazkur o‘quv qo‘llanmadan pedagogika sohasining magistratura mutaxassisliklarida bo‘lajak o‘qituvchilarni tayyorlash jarayonida foydalanish mumkin.