XOR VA XORSHUNOSLIK

Mazkur o‘quv qo‘llanma oliy pedagogik ta’limning San’at fakultetida (musiqa yo‘nalishi bo‘yicha) tahsil olayotgan barcha talabalar va umumta’lim maktablari musiqa madaniyati fani o‘qituvchilari uchun mo‘ljallangan. Pedagogika institutlari Musiqa ta’limi yo‘nalishida o‘qitilayotgan Xor va xorshunoslik fani umumkasbiy fanlar qatoriga kiruvchi fan hisoblanadi. Ta’Iim tizimining tubdan yangilanishi barcha fanlar kabi “Xor va xorshunoslik” fanini ham yangi, zamon talablariga javob bera oladigan darslik va o‘quv qo‘llanmalari bilan ta’minlanlashni taqozo etadi. Ushbu qo‘llanma Muqimiy nomidagi Qo‘qon davlat pedagogika instituti Kengashining 2021-yil 29-avgustdagi 1-sonli majlis bayoni bilan tasdiqlangan 60111300 - Musiqa ta’limi “Xor va xorshunoslik” fani o‘quv dasturi asosida tayyorlandi.