O‘zbek-ingliz tibbiy terminlarining semantik va sintagmatik tadqiqi

Mazkur monografiyada o‘zbek va ingliz tillaridagi tibbiy terminlarning semantik va sintagmatik xususiyatlari qiyosiy-tahliliy asosda tadqiq etilgan. Ishning birinchi bobida tibbiy terminlarning shakllanish omillari hamda ularning jahon va o‘zbek tilshunosligida o‘rganilish tarixi nazariy jihatdan yoritilgan. Ikkinchi bobda tibbiy terminlarning mavzuiy guruhlari, determinlashish, transterminlashish va reterminlashish jarayonlari asosida ularning semantik taraqqiyot mexanizmlari ochib berilgan. Uchinchi bobda esa arxisema tamoyiliga tayangan holda “shaxs”, “odam tana a’zolari”, “tirik organizm”, “holat”, “jarayon”, “o‘rin-joy”, “tarmoq”, “vosita” guruhlariga mansub terminlarning valentlik modeli, obligator va fakultativ aktantlari hamda ularning real nutqdagi sintagmatik birikuvchanligi qiyosiy asosda tahlil qilingan.