“FARMATSEVTIK KIMYO”
- Автор:
- Язык: O'zbek tilida
- Алфавит: Lotin yozuvida
- Издательский: Toshkent
- Год: 2016
- Просмотры: 879
Farmatsevtik kimyo farmatsiya fanlari orasida etakchi o‘rinlardan birini egallab, dori
moddalarning olinishi, kimyoviy tuzilishini aniqlash, sifatini nazorat qilish va standartlash,
turg‘unligini, saqlash muddatini aniqlash va saqlash sharoitini belgilab berish kabi
muammolarni hal etadi.
Ushbu fan asos kimyo va fizika, tibbiyot fanlarining qonuniyatlari va usullaridan dori
vositalarini izlab topish, ularni sifatini nazorat qilish uchun foydalanib, dori moddalari va dori
preparatlarining sifatini baxolash, shuningdek biofarmatsevtik, farmakokinetik tahlil usullarini
ishlab chiqish bilan shug‘ullanadi. Dori vositalari uchun asosiy sifat standartlari bo‘lgan
me'yoriy hujjatlar, ularning tuzilishi, ko‘rsatkichlarini aniqlash usullarini ishlab chiqish va
takomillashtirish, dori vositalarining barqarorligini ta'minlash va yaroqlilik muddatini aniqlash,
saqlash sharoitlarini belgilab berish ham ushbu fan zimmasiga yuklatilgan. Dori vositalarining
sifatliligini ularning tozaligi orqali belgilanganligi uchun ruxsat etilgan va ruxsat etilmagan,
shuningdek yot aralashmalarni aniqlashning aniq va sezgir usullarini ishlab chiqish ham muhim ahamiyat kasb etadi.